top of page

O 13 e 14 de outubro de 2016 terá lugar o IV Coloquio de Lingüística Histórica, desta vez organizado polo Centro de Estudos Galegos da Universidade de Estremadura.

Nesta IV edición do Coloquio o fío temático constituirano as relacións entre as linguas galega e portuguesa no eixo cronolóxico. Nas súas fases moderna e contemporánea, de enfoque contrastivo, serán obxecto de atención tanto os aspectos lingüísticos (fonolóxicos, morfosintácticos e léxicos) como os socio‑históricos e culturais. No período común, o medieval, primarán a contextualización histórica e a emerxencia do romance Aquén e Alén Miño, complementadas con descricións lingüísticas dos períodos latino e romance.

 

Os obxectivos do congreso son:

  • Revisar e poñer ao día os avances nos estudos de lingüística histórica galega.

  • Presentar as experiencias investigadoras nos ámbitos galego, portugués, hispánico e románico.

  • Reflexionar sobre a importancia da actualización dos coñecementos nesta disciplina e a conseguinte proxección investigadora e pedagóxica para os distintos colectivos implicados e interesados nela.

 

Os/as destinatarios do congreso son

profesores/as e estudantes universitarios/as; profesores/as de ensino primario e secundario, escolas oficiais de idiomas e de formación profesional; inspectores/as ao servizo da Administración educativa, así como profesionais de gabinetes de normalización lingüística.

 

Cartaz do congreso

IV COLoQUIO DE LINGÜÍSTICA HISTÓRICA

Cáceres, 13-14/10/2016

bottom of page